د ژواک چاپیریال په وړاندې دې د حسینی اربعین موکب لګونکي د زیارتوالو لپاره بیلګه شي

ایکنا – د ایران د قم ولایت د ژواک چاپیریال عمومی مدیرووئیل؛ د حسینی اربعین د موکبونو خاوندان دې  د ژواک چاپیریال په وړاندې په مسئولانه چلند سره د ټولو زیارتوالو لپاره بیلګه شي.

ایکنانیوز له قمه راپور راکوي، د قم ولایت د ژواک چاپیریال د چارو د ادارې عمومی مدیر محمد حسین بازګیر  د قم ولایت د عتبات عالیات د بیا رغونې د کمیټې د موکبونو داجرائي مدیرانو په ناستې کې ووئيل؛د ژواک چاپیریال او طبیّت  مسئله  د قرآن کریم په آيتونو  او د اهل بیت علیهم السلام  په روایتونو کې  ارزښتمن ځاي لري  او  د ایران د اساسی قانون په ۵۰ مادې کې هم ورته جدي پام شوی دی.  

هغه د حسینی اربعین لوی او ولولناک حرکت  او په دغې لارې کې د څه دپاسه شل میلیون زیارتوالو شتون ته په اشارې سره  دا د ژواک چاپیریال او کلتور جوړونې لپاره یو مناسب فرصت وباله او وې وئيل،  دایران درست موکب لرونکي باید په دغو شپو ورځو کې د ژواک چاپیریال په وړاندې پخپل مسئولانه چلند سره د درستو ایرانیو او بهرنیو  زیارتوالو  لپاره  بیلګه شي.

ښاغلی باز ګیر ددې خبرې په کولو سره چې د اسلامی انقلاب ستر لارښود د ژواک چاپیریال ساتل  یو دینی او انقلابی  فعالیت بللی دی روښانه کړه ، هر یو موکب  په دغو شپو ورځو کې د اوبو او انرژۍ او پلاسټک  د مصرف په کمولو او د خپلو  استعمال شوو پورسونو  او نورو شیانو په غونډولو سره  په دغه دیني او انقلابي  فعالیت کې ګډون درلودلی شي.

https://iqna.ir/en/news/3489348